بجلی گرنے سے نوجوان کسان کی موت

ناندیڑ: ۱۰؍جون (اعتمادنیوز)مکھیڑ تعلقہ میں بجلی گرنے سے ایک نوجوان کسان کی موت ہوگئی ۔ پولس اطلاع کے مطابق مکھیڑ کے گوجے گاؤں کا رہنے والا مادھو سوریہ ونشی (۳۲سال ) یہ اپنے کھیت میں شام کے وقت کام کررہا تھا ۔ اسی دوران اچانک



تیز ہواؤں کے ساتھ بارش شروع ہوئی تو وہ نیم کے درخت کے نیچے جاکر ٹہرا تھا ۔ اچانک اس کے جسم پر بجلی گرپڑی جس سے وہ جھلس گیا اور اس کی موت ہوگئی ۔ اوما کانت سوریہ ونشی کی اطلاع پر مکرم آباد پولس اسٹیشن میں حادثاتی موت کا کیس درج کیا گیا ہے ۔